ပြန်လာခဲ့ပါ ....

ကျတော့ အနားမှာ မရှိတာ ဒီနေ့ဆို တစ်ပတ်ကျော်လာခဲ့ပြီလေ။ သူကတော့ ဟိုမှာပျော်နေမှာပေါ့။ ကျတော်သာ သူမရှိလို့ ရင်ထဲမှာ ဟာတာတာလေ။

ကျတော့်ရဲ့ ခြေလှမ်းတွေဟာ သူနဲ့ အတူစားနေကျ ထမင်းဆိုင်လေးကို ဦးတည်လာခဲ့မိတယ်။ ကျတော်တစ်ယောက်ထဲပေါ့။ ရင်ထဲမှာ ဘာလိုနေလဲ။ တစ်ခုခုပေါ့။

အရင်ကဆို သူနဲ့ ကျတော်တူတူလျှောက်ခဲ့တဲ့ ဒီလမ်းလေးတွေလေ။ များသေားအားဖြင့် ကျတော်သူကို အမ်အာရ်တီမှာစောင့်နေတယ်။ ဖတ်ချင်တဲ့ စာအုပ်တစ်ခုခုကို ဖတ်ရင်းပေါ့။ အခုတော့ သူကိုစောင့်စရာမလိုပဲ တစ်ကိုယ်ထဲ လျှောက်နေမိတယ်။

လူရှုပ်ရှုပ် food court တွေကိုကျော်လာရင် မီးပွိုင်လေးနားက လူကူးမျဉ်းကျားကနေ လမ်းကလေးကို ဖြတ်လိုက်တာနဲ့ ကုက္ကိုလ်ပင်ရိပ်တွေအောက်က သူနဲ့ ကျတော် စားနေကျနေရာလေးကို ရောက်မယ်။ ဆိုင်လေးကို ကျတော်ရောသူရော နှစ်သက်မိတာက လူမရှုပ်တာက တစ်ကြောင်း ပြီးတော့ ထိုင်စရာထိုင်ခုံလေးတွေဟာ မြန်မာပြည်က ထိုင်ခုံလေးတွေလို ဖြစ်နေတာကတစ်ကြောင်းပေါ့။ ဆိုင်ရှေ့ဘက်က ထောင့်ကျကျနေရာလေ ဟာ သူရယ် ကျတော်ရယ် ထိုင်နေကျနေရာလေးလေ။

ဆိုင်ထဲမှာ တရုတ်၊မြန်မာ၊ မလေး စားစရာတွေရှိပေမဲ့ ကျတော်တို့စားနေကျကတော့ မြန်မာဆိုင်လေးပေါ့။ သဘောကောင်းတဲ့ အစ်ကိုကြီးထည့်ပေးလေ့ရှိတဲ့ ထမင်းနဲ့ ဟင်းကိုယူ ထိုင်နေကျနေရာလေးမှထိုင်ကာ သူရယ်ကျတော်ရယ် မျက်နှာချင်းဆိုင်ကာ စားတယ်။ သူက ဟင်းတစ်ချို့ကို ကျတော်ကို ထည့်ပေး ကျတော်ကလည်း ဟင်းတွေ ပြန်ထည့်ပေးရင်း နှစ်ယောက်သား စကားတပြောပြော စားလေရှိတယ်။ တစ်ခါတလေ ကျတော်စားနေတဲ့ ဒီမြန်မာဆိုင်လေးက ဟင်းတွေ အကြောင်းလည်း ပါတာပေါ့။ ဟင်းချက်ထားတဲ့ လက်ရာဟာ ဆိုင်ထမင်းဟင်း ပုံစံမပေါက်ပဲ အိမ်ဟင်း အိမ်ထမင်းဟင်း ပုံစံလေးဆိုတော့ အမေ့လက်ရာ အလွမ်းပြေလေ။ “အသီးအရွက် ဟင်းနည်းတယ်နော်”လို့ ကျတော်က ပြောရင် သူက ”ဟုတ်တယ် .. အသီးအရွက်ဟင်း ဒီထက်ပိုများရင်ကောင်းမယ်” လို့ သူကပြန်ပြောလေ့ရှိတယ်။

ဒီဆိုင်လေးရဲ့ ရှေ့ထိုင်နေကျထိုင်ခုံလေးမှာ သူက သူအိမ်က မိသားစုအကြောင်း ဆွေမျိုးတွေအကြောင်းကို အေးအေးဆေးဆေးပြောကာ ရင်ဖွင်လေ့ရှိသလို ကျတော်ကလည်း ကျတော့် အလုပ်အကိုင် အကြောင်းကို ပြောဆို ငြင်းခုန်လေ့ရှိတယ်။ တစ်ခါတလေ အဲဒီမြန်မာဆိုင်လေးက ချက်တဲ့ အုန်းနို့ခေါက်ဆွဲကို လူမျိုးခြားတွေ စားကာ အားပေးနေတော့ ကျတော်က ”သူတို့တွေ သွေးတက်နေလို့ ဟုတ်ပေ့ဖြစ်နေဦးမယ်“ လို့ပြောပီး ရီနေခဲ့မိတယ်ဗျာ...

အခုတော့ သူမပါပဲကျတော် တစ်ယောက်ထဲ ငေါင်းစင်းစင်းနေနဲ့ ထမင်းစားနေမိတယ်လေ။ စားပီးတော့ တစ်ယောက်ထဲပဲ “အောင် မြန်မာ ထမင်းဆိုင် blk 431 .#01-296 clementi ave 3”ကနေ တစ်ကိုယ်ထဲ ထွက်ခွါနေမိလာတော့တယ်။ ကျတော် စိတ်ထဲပြောနေမိတာကတော့ အမြန်ပြန်လာခဲ့ပါ တော့ဗျာ........

ခပ်ထုံထုံ ခပ်အအ ခပ်နနကောင်

ကျတော် အရိုးသားဆုံးပြောရရင် မလိမ်တတ်ဘူး။ သူတစ်ပါးကို လိမ်ရင်လဲ အလိမ်ပေါ်တာများတယ်။ အဲ ကျတော်ထက် အ တဲ့ သူကိုတော့ လိမ်လို့ရမှာပေါ့ဗျာ။

ငယ်ငယ်တုန်းက အိမ်မှာ ငါးပိကြော်တွေ ဘာတွေကြော်ရင် ကျတော်က ခိုးစားနေကျ။ ကျတော်တို့ အိမ်မှာက ငါးနီတူခြောက်လေးတွေကို ငရုတ်သီးလေးနဲ့ မကြာမကြာကြော်စားလေ့ ရှိတယ်။ အဲဒီလိုကြော်ပီဆို ကျတော်လူကြီးတွေ အလစ်မှာ မီးဖိုချောင်ထဲဝင် ခိုးစားနေကျ။ တစ်ခါပေါ့ ကျတော်ခိုးစားတာ အိုးအဖုံးက ပြုတ်ကျပီး ဂလုံဂလွမ်မြည်ပါရော။ ဒါနဲ့ အသာလေးပုံးနေတာပေါ့။ လူကြီးတွေ မသိလောက်ဖူးဆိုမှ အိမ်ရှေ့ထွက်တယ်။ အိမ်ရှေ့ရောက်တော့ မာမီက သားကြီး ငါးပိကြော် ခိုးစားတယ်မဟုတ်လားလို့ မေးတယ်ဗျ။ ကျတော်က သားသားမစားပါဘူး လို့ လိမ်တယ်။ ဒါပေမဲ့ဗျာ ပါးစပ်မှာ အကွက်လိုက်ကြီး အဆီတွေ ဝင်းနေတာကို မားမားတို့မသိပဲနေမလားဗျ။ အဲဒီလောက် အလိမ်တော်တာ။

တစ်ခါလဲ စလုံးမှာ ငါးကြော်ခိုးစားပါတယ် အိမ်မှာ ဘယ်သူမှ မရှိတုန်းပေါ့။ အဲဒီ ငါးကြော်ခိုးစားမှုဟာ အွန်လိုင်းပေါ်တောင် ရောက်သဗျ ။ လိမ်တက်တာပြောတာပါ။

ရိုးသားမှုနဲ့ အတူ ပွင့်လင်းမှုကလဲ ပါလာမြဲပါ။ ဒီစာကို ရေးတာက ကျတော်ကို ပွင့်ပွင့်လင်းလင်း မပြောတဲ့ အစ်ကိုတစ်ယောက်ကြောင့်ပေါ့။ ကျတော်ကတော့ ကျတော့်အရှိအတိုင်း အတော်များများကို အပွင့်လင်းဆုံးပြောတတ်တယ်။ သူကျတော့်ကို ပြောသင့်တာ ပွင့်ပွင့်လင်းလင်းနဲ့ ညီရေ ဘာဖြစ်တယ် ညာဖြစ်တယ် ဒါကြောင့် အဲဒါကို လှူမယ်ပေါ့။ ဒါပေမဲ့ဗျာ....

ကျတော်က အရှိကို အရှိတိုင်း ရိုးရိုးသားသားပြောတတ် တွေးတက် လုပ်ကိုင်တတ်တော့ ကျတော်သယ်ရင်းက မှတ်ချက်ချပါတယ် ။ မင်းက “အ” ရုံတင်မကဘူး။ တုံးပါတုံးတာတဲ့ဗျ။ ပြောချင်လဲ ပြောပါစေ။ ကျတော်ကတော့ အားလုံးအပေါ်မှာ အရင်အတိုင်း ဆက်ဆံရင်း ”ခပ်ထုံထုံ ခပ်အအ ခပ်နန ကောင်” အဖြစ်နေသွားမှာပါလေ။

photo: rebekccahkim .file.wordpress.com

ခြေလှမ်း တစ်လှမ်း ...စတင်ခြင်း

အဲဒီ Virtual World ထဲကို ဝင်ကြည့်ရင် ကောင်းမလား၊ မကောင်းဘူးလား။ လုပ်သင့်သလား မလုပ်သင့်ဘူး။ စဉ်းစာနေတဲ့ ရက်တွေ လတွေ တော်တော်ကြာပေါ့။ သူနာမည်နဲ့ လိပ်စာကို သိနေတာကတော့ လွန်ခဲ့တဲ့ နှစ်နှစ်ကျော် သုံးနှစ်လောက်ကတည်းက။

ကျတော့်ကို ခင်လို့ invite လုပ်ထားတဲ့ အစ်ကိုကြီးတွေ သယ်ရင်းတွေ မနည်းဘူးဆိုတာ အခု အကောင့်ဖွင့်လိုက်မှ သိရတယ်။ အရင်ကတော့ ကျတော့ ဂျီမေးထဲကို ဟိုသယ်ရင်းကပို့ ဒီသယ်ရင်းကပို့တဲ့ စာလွှာလေးတွေ ရောက်လာပေမဲ့ မသိသလိုနေနေခဲ့တယ်။

ဟိုတစ်ပတ်ကမှ မြန်မာပြည်က ညီငယ်တစ်ယောက်က အဲ့ဒီမှာ အကောင့်မရှိဘူးလားလို့ မေးတယ်။ ကျတော်က မရှိဘူးလို့ ဖြေတော့ ဟာ တော်တော် ခေတ်နောက်ကျတာပဲ ဘာညာနဲ့ အပြောခံလိုက်ရတယ်။ အင်း အဲဒီအကောင့် မရှိတာနဲ့ ခေတ်နောက်ကျတယ် ဘာညာ အပြောခံရတာတော့ ဟုတ်သေးဘူးထင်တယ်နော်။

ပြီးတော့ အိမ်ကနှစ်ကောင် အားနေရင် လယ်စိုက်ရတာနဲ့ ဘာမွေးညာမွေးလုပ်ရတာနဲ့ ပြောနေကြတာ။ ကိုယ်က မသိသလိုနေပေမဲ့ ကြာလာတော့ ဘာလဲ ညာလဲတော့နည်းနည်း သိချင်လာတယ်။ ကဲ ဒါနဲ့ပဲ မထူးတော့ပါဘူး။ ဒီနေ့ နေလည် ခန အားနေတုန်း အကောင့်ဖွင့်လိုက်မိတယ်။ ဒါပေမဲ့ လယ်မစိုက်ဘူး။ ဘာမလုပ်ဘူးလို့တော့ စိတ်ကူးထားတာပါပဲ။

အကောင့်ဖွင့်ဖို့ တစ်ယောက်သောသူက သဘောမတူချင်ဘူး။ ကျတော် လျှောက်ကဲနေမှာ စိုးလို့နဲ့တူပါတယ်။ အခု အကောင့်ဖွင့်နေတုန်း သူကို သတိရနေမိတယ်။ သူ ခွင့်ပြုမှာပါလေ..(ခွင့်ပြုနော်.. ခွင့်မပြုလဲ ဖွင့်ပြီးသွားပီ)။Virtual World ထဲကိုတော့ ခြေလှမ်း တစ်လှမ်း စတင်မိနေပြီ .....။။။။

P for Puluque…ပ for ပုလုကွေး

P for Puluque…

1. What is your name : Puluque (မွေးတုန်းက ၁၂ ပေါင်ကျော်သူမို..)

2. A four Letter Word : Push (အလုပ်တွေ မပြီးလို့ sub con: တွေကို တစ်ချိန်လုံး push လုပ်ခိုင်းနေတာ )

3. A boy's Name : PiPi Tom (ကြည့်ရနည်းလား)

4. A girl's Name : Pa Pa Wa Ti (ခုနှစ်ဆောင်တိုက်ခန်း မီးမထွန်းပဲလင်းတယ်ဆိုလို့ PUB တစ်ခု သက်သာအောင်လို့)

5. An occupation : Plumber (ပိုက်ပြင်ဆရာ.. ကိုယ်ကိုယ်တိုင် မတတ်ပေမဲ့ ဆရာကြီးလေသံနဲ့ အလုပ်သမားတွေကို ခိုင်းနေတဲ့ ကျတော်…)

6. A color : Purple (အခုတလေ အဲဒီအရောင်နဲ့ အင်္ကျီတွေကို အရမ်းကြိုက်နေပေမဲ့ အသားမဲတဲ့ ကျတော် မဝတ်ရဲဘူးဗျ)

7. Something you'll wear : Pants (မဝတ်လို့ မဖြစ်ဘူးလေ…ပုဆိုးက အိမ်မှာတော့ တစ်ခါတလေ ဝတ်တယ်)

8. A food : Papaya Salad ( ဗမာလိုပဲ ပဲမှုန့်နဲ့ သုပ်သုပ်၊ ရခိုင်လိုပဲ ပုဇွန်ငါးပိနဲ့ သုပ်သုပ်၊ ယိုးဒယားလိုပဲ သုပ်သုပ် ကြိုက်ပါတယ်)

9. Something found in the bathroom : Push button ( ကိစ္စပြီးရင် အဲဒီခလုပ်လေးကို နှိပ်နေကျလေ)

10. A place : Peninsula ( အပတ်တိုင်း ရောက်နေကျပေါ့…)

11. A reason for being late : Please wake up (ထမယ်ကြံလိုက် ပြန်အိပ်လိုက်နဲ့)

12. Something you'd shout : PA PA! Help me! (စိတ်ညစ်လာရင် အော်ပစ်မယ်)

13. A movie title : P---(ဇာတ်ကားတွေအများကြီး သိတယ်ဟုတ်)

14. Something you drink : Pepsi (ရွှေပြည်ကြီးမှာ မရတာ ကြာပြီလေ)

15. A musical group : Pink Floyd (ဂျူးခဏခဏ ရေးနေလို့ တစ်ခါမှတော့ နားမထောင်ဖူးဘူး)

16. An animal : People (မျိုးနွယ်တူတယ်လေ)

17. A street name : Pine Road (ထင်းရှူးနံ့လေးတွေ မွှေးလို့)

18. A type of car : Pajero (အိမ်မှာ ဈေးသွားရင် စီးတာပေါ့)

19. The title of a song : Power of love (အရမ်းအားပြင်းတယ်ပြောကြတာပဲ)

20. A verb : Pay me more (နည်းနည်းလေးနဲ့တော့ မရဘူးနော်)

***********
ပ for ပုလုကွေး

1. What is your name : ပုလုကွေး

2. A four Letter Word : ပိန်ပိန်ပါးပါး

3. A boy's Name : ပေါသွပ် (သမိန်ပေါသွပ်)

4. A girl's Name : ပြာကလပ်စိန်

5. An occupation : ပလာတာသည်

6. A color : ပြာတာတာ

7. Something you'll wear : ပိတ်အင်္ကျီ

8. A food : ပိန်းဥ

9. Something found in the bathroom : ပီပါ (ရေထည့်ဖို့ပါ)

10. A place : ပျဉ်းမနား (မမဆီကို အလည်သွားမလားလို့)

11. A reason for being late : ပျင်းကြီးလို့ (အိပ်နေတာလေ)

12. Something you'd shout : ပါပါးရေ ကယ်ပါ…

13. A movie title : ပုဂံမှာသာတဲ့လ (မေသန်းနုကို ရူးရော)

14. Something you drink : ပဲနို့

15. A musical group : ပဲခူးမြို့မတီးဝိုင်း (ရှိမရှိမသိ ရမ်းတုတ်လိုက်တာ)

16. An animal : ပလာတူး

17. A street name : ပြည်တော်သာလမ်း (ချိုင့်တွေချည်းလေ)

18. A type of car : ပါဂျရိုပေါ့ (အကြမ်းစီးဖို့ပါ)

19. The title of a song : ပျို့ဆုတောင်း (ဆရာတင်ရေးတဲ့ သီချင်းတစ်ပုဒ်ပေါ့)

20. A verb : ပိတ်သည် (တံခါးပိတ်ထားမှ ဒါတောင် အတင်းလာနေကြသေးတယ်..)

မမတန်ခူး တဂ်တဲ့ပို့စ်လေးပါ။ ကျတော့ကို တစ်ခါမှ မတဂ်ဖူးဘူးလို့ မမကပြောပေမဲ့ ကျတော် မှတ်မိနေတာကတော့ ဒါဟာ ဒုတိယ အကြီမ် တဂ်တာပါ။ ဝိုင်းကူးကာ ခေါင်းခြောက်ခံ စဉ်းစားပေးတဲ့ တစ်ရွာကို အပိုင်းစား ကိုဝိုင်တီယူ အဲလေ ကိုရွာသားလေး (htu) ကို သိုင်းခရု သိုင်းလိပ် သိုင်းပုရွက်ဆိပ်ပါဗျာ။

တောကစား ထွက်ခြင်း

အမတ်ကြီးများ

ဖလား။။။။

ငါ ခြင်္သေ့ပြည့်သခင် ခြင်္သေ့ဗရင်ကြီး တောကောင်ရှားတဲ့ ကျွန်းစုတ်မဟာ ကနေ ကြီးကြယ်မြင့်မြတ် ကျွန်းကြီးမဟာ ပြည်မြန်မာသို့ တောကောင်ရှာထွက် တောကစားထွက်တော် မူမယ် အမတ်ကြီးများ။။။။

ကောင်းမြတ်လှကြောင်းပါ ဖလား။ ကိုယ်တော်ခြင်္သေ့ စလုံးမှာနေ စလုံးရေသောက်တာ (၁၀)လကြာတော့ တောကစားမထွက် တောကောင်ငတ်တော် မူလေမပေါ့ ဖလား။

အေး.. မှန်လှတယ် အမတ်တို့…။

တောကစားထွက် တောကောင်တွေဖမ်း ဖို့ ဘယ်လိုများ စီစဉ်ထားတော်မူပါသလဲ ဖလား။

ဟေ….ငါကိုယ်တော်မြတ် စလုံးစံချိန် စနေနေ့ ခွန်နှစ်နာရီခွဲတိတိ စစ်အဲ မဟာ ယာဉ်တော်သာနဲ့ ထွက်တော်မူမယ် အမတ်ကြီးများ. ရွှေရောင်ဝင်းပ အေးမြလှတဲ့ ရွှေပြည်ကို ဆိုက်ရောက်တဲ့ ငါကိုယ်တော်ကို ဒဂုန်တိုင်းသား တောကောင်များက စီးကြိုမယ်ကွဲ့။ အဲဒီနောက် ငါကိုယ်တော် အနားတော် ထောက်ရင်း အချိုတွေသကာလောင်း ချိုသာလှတဲ့ စံရိပ်ငြိမ်မှာ ဒဂုန်တိုင်းသား တောကောင်သားနဲ့ တောကစားတော်မူမယ်ကွဲ့။ သူနိုင် ငါနိုင်အပြိုင်ကြဲ အနိုင်နွဲကာ ဒဂုန်တိုင်းမှာ သုံးရက်ကြာနေပြီးရင် သကာလ ငါ့မွေးရက်မြေမှာ အခြေစုရအောင် ကြွချီမယ်မောင်မင်းတို့။

ဖခည်းတော် မယ်တော်တို့နဲ့ မွေးရပ်မြေမှာ ငါးရက် တစ်ပတ် ပျော်ရွှင်ပြီး သကာလ အထက်ပြည် အထက်အရပ် ရွှေမန်းရိပ်ခိုကာ ရှမ်းပြည်က လမ်းမှား လမ်းသလားလာတဲ့ ရှမ်းတောကောင်တွေ ရှာဖွေပစ်ခတ် စားသောက်တော် မူမယ်ကွဲ့..။

ရှမ်းစာမက်တဲ့ ငါကိုယ်တော်အတွက် ရှမ်းစာစားရင်း စစ်ကိုင်း၊ မင်းကွန်း၊ အင်းဝနဲ့ မေမြို့မကျန် အခြေဆန့်လို့ တောခရီးနှင်မဟဲ့။ အထက်ပြည်တကြော စုံဆန် မျောရင်း ဆယ်ရက်ကြာ အပန်းဖြေ အလွမ်းတွေဝေပြီးရင် မွေးရပ်မြေ ခဏပြန် အောင်ပွဲကြီး ခံမဟဲ့။

အခါအခွင့်သင့် မငံ့လင့်ရအောင် မွေးရပ်မြေမှာလည်း တောကောင်ရှာဦးမဟဲ့။ မွေးရပ်မြေမှာ ငါ့အကြိုက်တောကောင် ရှာမတွေ့ခဲ့ရင် စုန်ချည် ဆန်ချည် ရန်ကုန်မြို့တော် ဆီကူးမယ်ကွဲ့။ ကဲကဲ ဒါတွေကတော့ အကြမ်းဖျဉ်း အစီအစဉ်တွေပဲ မောင်မင်းတို့ရဲ့။

ဖုံးတော် ကြီးလှ အရှင်မျတ်ဖလား။ တန်ခိုးကြီးတဲ့ ---ဘုရားဆီ အဖူးမျှော် ထွက်ရင်း တောကစား မထွက်ပေတော့ဘူးလား ဘုရား။

ဟေ..ဟေ.. ဒါက လွန်ခဲ့တဲ့ နှစ် တမြန်နှစ်ကာလေကွဲ့။ ဒီနှစ်မှာတော့ အသစ်အသစ် တွေနဲ့ တောကစား ထွက်မဟဲ့။

တောကောင်ရှာထွက် တောကစားထွက်ဖို့ လက်နက်လူသူ ပြည့်စုံပြီလား ဖလား ။

အေးကွဲ့ လက်နက်တွေကတော့ esprit, g2000, top man, levis, puma မကျန် နစ်ကီ အစုံဝယ်လို့ တောကောင်ဖမ်းမဟဲ့ အမတ်တို့ ။ လက်စွဲတော် အိုင်ဖုန်း ဟန်တစ်လုံးနဲ့ အသပြာ နှစ်ရာကပ် နစ်ကီ ဖိနပ်ကို စီးရင်း်နဲ့ တောကစားထွက်တော် မူမယ်မောင်မင်းများ…။

သင့်မြတ်လှကြောင်းပါ ဖလားးးးးးးးးး။ သင့်မြတ်လှကြောင်းပါ ဖလားးးးးးးးးး။

(photo..blog.summacentral.com)

နာရီလေးများနဲ့ ကျတော်

လူတိုင်းမှာ နာရီလေးတစ်လုံးတော့ အနည်းဆုံး ရှိတတ်ကြမှာပါ။ တချို့တချို့မှာဆို နာရီလေးတွေ တော်တော်များများ ရှိနေကြမှာ။ ကျတော့မှာလည်း နာရီလေးတွေ ရှိပါတယ်။
နာရီဆိုတာ အချိန်ကြည့်ဖို့ လိုတဲ့ အခါ မရှိမဖြစ်ပေါ့။ တစ်ခါတလေတော့လည်း ဟိတ်ဟန်ထုတ်ဖို့၊ လူအထင်ကြီးဖို့ ပဲထုတ်ဖို့ အတွက် အသုံးချ တတ်ကြသေးတာလေ။

အဲဒီနာရီလေးနဲ့ ကျတော်စတွေ့တာက ကျတော် ၉တန်းကတည်းကပေါ့။ နာရီလေးဟာ တောက်ပြောင်သလို နာမည်လည်း ကျော်ကြားတယ်။ စတွေ့ စကတော့ နာရီလေးဟာ ကျတော်နဲ့ ခပ်စိမ်းစိမ်းရယ်။ သူ့ကို ကျတော်က သိနေပေမယ့် နာရီလေးက ကျတော်ကို သတိထားမိမယ် မထင်ပေါင်။ ညနေ ကျောင်းဆင်းတိုင်း တွေ့နေကျ နာရီလေးကို ကျတော်ဟာ ငေးကြည့်နေမိတယ်။

ဆယ်တန်းအောင်ပြီး တက္ကသိုလ်တက်တော့ နာရီလေးနဲ့ ကျတော့ရဲ့ ရင်းနှီးမှုဟာ ပိုလာခဲ့တယ်။ နာရီလေးနဲ့ ကျတော်ဟာ သွားအတူ ပြန်အတူဖြစ်ခဲ့ကြတယ်။ တစ်ခါတလေ စိတ်ကောက်တတ် သလို တစ်ခါတလေ ပျော်ရွှင်ခဲ့ရတဲ့ ရက်တွေ များစွာ ပိုင်ဆိုင်ခဲ့တယ်။ ဒီလိုနဲ့ နာရီလေးနဲ့ ကျတော် တို့ရဲ့နေ့ရက်တွေဟာ ရွှေရောင်နေ့ရက်တွေ ဖြစ်ခဲ့သလို မုန်တိုင်းတိုက်တဲ့နေ့ တွေလည်း ရှိခဲ့တယ်လေ။ ဒါပေမဲ့ နာရီလေးဟာ ကျတော့ အတွက် အမြဲတမ်း အချိန်မှန်ခဲ့တယ်။

တက္ကသိုလ် ၄တန်း ၅တန်း နှစ်တွေမှာ နာရီလေးနဲ့ ကျတော် တစ်ခါတလေ အဆက်အသွယ် ပြတ်တောက်လိုက်၊ တစ်ခါတလေ တူတူရှိလိုက်နဲ့ နေ့ရက်ပေါင်းများစွာကို ဖြတ်သန်းခဲ့တယ်။ နာရီလေးကိုသာ ကျတော်ဟာ တစ်ခါတလေ ဂရုမစိုက်လိုက် ဂရုစိုက်လိုက် လုပ်နေခဲ့ပေမယ့် နာရီလေးက ကျတော့် အတွက်တော့ အချိန်ပြည့် အဆင်သင့်ရှိနေခဲ့တယ်။

ဖိုင်နယ်ရောက်တော့ ပါးပါးနဲ့ မားမားက ကျတော့ အတွက် လက်ကိုင်ဖုန်းလေး တစ်လုံး ဝယ်ပေးခဲ့တယ်။ လက်ကိုင်ဖုန်းလေး ရတော့ကျတော်ဟာ နာရီလေးကို ဂရုစိုက်မှု ပိုနည်းခဲ့တယ်။ နာရီပတ်ရမှာ စိတ်သိပ်မပါတော့သလိုပဲ။ လက်ကိုင်ဖုန်းလေးထဲက နာရီကို ပဲကြည့်ဖြစ် သုံးဖြစ်ခဲ့တယ်လေ။ နာရီလေးကို မေ့လျော့ခဲ့တယ်ဆိုပါတော့။

ကျောင်းတွေပြီး သင်တန်းတွေတက် တော့လဲ ကျတော်ဟာ နာရီလေးကို ကျတော် အနီးမှာ ရှိနေစေလိုက် အဝေးမှာ ထားလိုက်နဲ့ အချိန်တွေကို ဖြတ်သန်းခဲ့တယ်။ သယ်ရင်းတစ်ချို့ရဲ့ အားမလို အားမရဖြစ်မှုတွေ ရှိနေခဲ့ပေမယ့် ကျတော်ဟာ နာရီလေးကို ကျတော်နဲ့ တစ်သားတည်းဖြစ်အောင် ကြိုးစားမှု မရှိခဲ့ဘူး။ ဖြစ်လာမယ့် ပြဿနာတွေကို ကျတော် မရင်ဆိုင်ချင်ဖူး။ ဒါပေမယ့် နာရီလေးဟာ ကျတော့အတွက်ဆိုရင် အမြဲအဆင်သင့်ဖြစ်ခဲ့တယ်။ နာရီလေးနဲ့ ကျတော်ရဲ့ ရင်းနှီးမှုတွေဟာ ဖြူစင်စွာပဲ ရှိနေခဲ့တယ်။ ကျတော် နဲ့ နာရီလေးရဲ့ ခင်မင်မှုကို အရောင်တွေ ဆိုးချင်ပေမယ့် ဆေးရဲ့ဆိုးကျိုးတွေ (effect) တွေကို ကျတော်မလိုချင်ပြန်ဘူး။

ဒီလိုနဲ့ ကျတော် သင်တန်းတွေပြီးတော့ နိုင်ငံခြားကို သွားရမယ့် အချိန်ရောက်လာခဲ့တယ်။ အဲဒီအချိန်မှာ နာရီလေးဟာ ကျတော့်ကို သူ့ရဲ့ ကိုယ်ပွားလေး တစ်ခုကို လက်ဆောင်ပေးခဲ့တယ်။
စလုံးရောက်စနေ့တွေမှာ အခက်အခဲတွေကို ကြုံတိုင်း နာရီလေးကို ရင်ဖွင့်တိုင်ပင်ရင်း ကျတော် အားတွေရှိလာခဲ့တယ်။

စလုံးမှာ နေသားကျလာတော့ ကျတော်ဟာ စလုံးစတိုင် ဖန်စီနာရီလေး တစ်ချို့ကို စိတ်ဝင်စားလာခဲ့မိတယ်။ တစ်ချို့ကို ခဏအငှားသုံးရင်း တစ်ချို့ကို ဝယ်ရင်းနဲ့ နာရီလေး တစ်ချို့ဟာ ကျတော့် သမိုင်းမှာ ပါလာခဲ့မယ်ထင်ပါတယ်။

စင်္ကာပူ လေးတွေထဲက တစ်ယောက်ပေါ့


ဒါပေမဲ့ သူရဲ့ ကိုယ်ပွား နာရီလေးဟာတော့ ကျတော့် အတွက် အမြဲတမ်း အစားထိုးမရတဲ့ တစ်ခုတည်းသော နာရီလေးပါပဲ။

သူမရဲ့ ကိုယ်ပွားလေး

(မမဝါဝါ တဂ်စ်တဲ့ ပို့စ်ပါ။ နားရှုပ်သွားမယ်ထင်ပါတယ်။ ဒါလေးဖတ်ကြည့်နော်။ နဲနဲ သဘောပေါက်သွားပါလ်ိမ့်မယ်။)

ဘုန်းဘုန်း ရာဇိန္ဒ ( ရဝေနွယ် (အင်းမ)) ရဲ့ မင်္ဂလာ အတွေးများ စာအုပ်ကို ပြီးခဲ့တဲ့ လကတည်းက စဖတ်မိပါတယ်။ ဘုန်းဘုန်းရဲ့ စာတွေကို ကျတော် စဖတ်ဖူးတာက အချစ်နှင့် ဝိပဿနာ စာအုပ်ပါ။

အခု မင်္ဂလာအတွေးများ စာအုပ်ကိုတော့ မာမီ မြန်မာပြည်ကနေ ပြီးခဲ့တဲ့ လက ပို့ပေးလို့ဖတ်ရတာပါ။ (စာတိုက်ကနေ စာအုပ်တွေပို့ဖို့ အစစ အရာ စီစဉ် ပေးတာက အချစ်ဆုံးသူမပေါ့..)။

ဘုန်းဘုန်းရဲ့ မင်္ဂလာအတွေးများ စာအုပ်ကို ဖတ်ရတော့ ကျတော်မှာ ဆင်ခြင်စရာ၊ ဗဟုသုတတွေ၊ မြတ်ဗုဒရဲ့ အဆုံအမတွေကို မှတ်သား ရပါတယ်။ ဘုန်ဘုန်းဟာ မင်္ဂလာအတွေးများ စာအုပ်ကို ရှေးရှေးရဟန်းစာဆို၊ လူစာဆိုတို့ ရေးသားခဲ့တဲ့ မင်္ဂလာသုတ်ဆိုင်ရာ စာအုပ်တွေကို အဓိကထားပြီး ရေးတယ်လို့လဲဆိုထားပါတယ်။ သပြေကန်ဆရာတော်ဘုရားကြီးရဲ့ ပရိတ်ကြီး နိဿယသစ်ကို လက်ကိုင်ထားပြီး ရေးတယ်လို့လဲ ဆိုပါတယ်။

ကျတော် ဒီစာအုပ်လေးကို ဖတ်ပြီးတော့ နှစ်သက်တာလေးကောက်နှုတ်ပြီး ပို့စ်တစ်ပုဒ် ၊ ဆောင်းပါးတစ်ပုဒ်လုံးကို ပို့စ်တစ်ပုဒ် စုစုပေါင်း ၂ ပုဒ် ဖြစ် ကျတော့ ဘလော့လေးမှာ တင်ဖူးပါတယ်။ ကျတော် အဲဒီလိုတင်တော့ သယ်ရင်းတစ်ချို့က စာအုပ်ကို ဖတ်ချင်တယ်လို့ ပြောလာပါတယ်။ ဒါကြောင့် မြန်မာအီးဘွတ်ခ်တွေ ရှိတဲ့ http://www.foreverspace.com/ ရှာကြည့်ပါတယ်။ ဝယ်လို့ရရင်လဲ ဝယ်မယ်ပေါ့။ ပြီးမှ capture ပြန်ဆွဲ- pdf ဖိုင်ပြန်ခုတ်ပြီး ဖတ်ချင်တဲ့သူတွေ ဖတ်ရအောင် တင်ပေးမယ် စိတ်ကူးပါတယ်။ (ကျတော့်မှာက အဲ့ဒီ forever ebook ဆိုဒ်ရဲ့ prepaid အကောင့်ရှိတယ်လေ။ ဘယ်သူ ဝယ်ပေးတာလဲ မပြောဘူး အသေသတ်)။

ဖော်အဲဗား အီဘွတ်ခ် ဆိုဒ်ထဲမှာ ကြည့်တော့ စာအုပ်ကို free ပေးထားပါတယ်။ ဒေါင်းလုဒ်ဆွဲလိုက်တာ ဒေါင်းလုပ်လင့်က အလုပ်မလုပ်တော့ပါဘူး။ ဒါနဲ့ ဘယ်မှာများ ရှိမလဲလို့ googling လုပ်လိုက်တော့ ဒီဆိုဒ်တွေမှာ တွေ့တာနဲ့ အားလုံးအတွက် လမ်းညွှန်လိုက်ပါတယ်။
ဒါက online ကနေ တိုက်ရိုက်ဖတ်ဖို့ပါ
ဒါကတော့ အပိုင်သိမ်းချင်ရင် သိမ်းဖို့အတွက် ဒေါင်းလုဒ် လင့်ပါ။

၁။ စိတ်ကောင်းနှလုံးကောင်း မွေးမြူဖို့
၂။ ပရဟိတလုပ်ဖို့
၃။ ပညာတက်ဖို့
၎။ ဝိပဿနာ တရားများ ပွားများအားထုတ်ဖို့ ဆိုတဲ့ ရည်ရွယ်ချက်ကောင်းတွေနဲ့ ရေးသားထားတဲ့ ဘုန်ဘုန်း ရာဇိန္ဒ @ ရဝေနွယ် (အင်းမ) ရဲ့ မင်္ဂလာ အတွေးများ စာအုပ်ကို လူမျိုး ဘာသာမရွေး လူတိုင်းဖတ်သင့် မှတ်သင့် ကာ လိုက်နာကျင့်သုံးသင့်တယ်လို့ ကျတော် ထင်ပါတယ်။